Staða kjaraviðræðna
Í lok síðustu viku náði BHM rammasamkomulagi við ríki, Reykjavíkurborg og Samband íslenskra sveitarfélaga ásamt öðrum heildarsamtökum á opinberum markaði.
Kjaraviðræður eru nú hafnar milli Stéttarfélags lögfræðinga og ríkis, Reykjavíkurborgar og Sambands íslenskra sveitarfélaga en þeim viðræðum er ekki lokið. Stéttarfélag lögfræðinga fundar nú jafnt og þétt við viðsemjendur um sín sérmál með það að markmiði að ná fram ásættanlegri niðurstöðu fyrir félagsfólk. Þegar því samtali er lokið kæmi fyrst til skoðunar að skrifa undir kjarasamning sem yrði borinn undir atkvæði félagsfólks að lokinni kynningu.
