Stéttarfélag lögfræðinga
Hlutverk Stéttarfélags lögfræðinga er að vera í forsvari fyrir félagsmenn sína við gerð kjarasamninga og við ákvarðanir er á einhvern hátt snerta kjör þeirra.
![](https://images.prismic.io/sl-www/b4a9c5a6-71ff-43b2-aef0-98d25b8909d6_DSC05945-resized-for-web.jpg?auto=compress%2Cformat&crop=focalpoint&fit=crop&fp-x=0.40&fp-y=0.30&w=1200&h=600)
Skrifstofa Stéttarfélags lögfræðinga
Þjónustuskrifstofan er til húsa í Borgartúni 6. Hún er opin virka daga frá klukkan 9-12 og 13-16. Síminn er 595 5140.
Á skrifstofunni, sem rekin er með tveimur öðrum stéttarfélögum, er félagsfólki veitt margs konar þjónusta og upplýsingar.
Meðal verkefna hennar er að aðstoða:
- á sviði kjara- og réttindamála
- við lausn ágreiningsmála er varða framkvæmd og túlkun kjarasamninga
- við að leita lögfræðilegrar ráðgjafar í málum sem falla undir starfssvið stéttarfélags
- við gerð ráðningarsamninga og túlkun á þeim
- við útreikninga á launum og innheimtu ef þörf krefur
![](https://images.prismic.io/sl-www/b596afa4-f996-49d3-974c-e7485f20a0a7_DSC06048-resized-for-web.jpg?auto=compress%2Cformat&crop=focalpoint&fit=crop&fp-x=0.42&fp-y=0.50&w=780&h=702)
Aðild að Stéttarfélagi lögfræðinga
Félagsaðild er heimil þeim sem lokið hafa að lágmarki BA gráðu í lögfræði frá viðurkenndum háskóla. Félagsaðild er óháð starfsvettvangi, vinnuveitanda eða ráðningarformi. Háskólanemar sem lokið hafa tveimur námsárum af háskólanámi í lögfræði geta orðið félagar með takmörkuðum réttindum og skyldum.
Stéttarfélag lögfræðinga í tölum
![](https://images.prismic.io/sl-www/50bd4df0-602e-4f5d-90bb-36f07ed3f8f7_skraut-bl%C3%B6rru%C3%B0-mannsekja-labba.jpg?auto=compress%2Cformat&crop=focalpoint&fit=crop&fp-x=0.49&fp-y=0.50&w=1000&h=770)
![](https://images.prismic.io/sl-www/03ef194e-79c8-4671-89de-9ca20553eabc_Skraut-stigi-nidur.jpg?auto=compress%2Cformat&crop=focalpoint&fit=crop&fp-x=0.50&fp-y=0.49&w=780&h=702)
Saga félagsins
Stéttarfélag lögfræðinga í þeirri mynd sem það er í dag má rekja til ársins 1973 þegar samþykkt voru lög nr. 46/1973 um kjarasamninga opinberra starfsmanna.
Skipulögð starfsemi utan um hagsmuna- og kjarabaráttu lögfræðinga á Íslandi á sér þó lengri sögu. Lögfræðingafélag Íslands var fyrsta allsherjarfélag lögfræðinga á Íslandi sem gætti hagsmuna lögfræði stéttarinnar
Stjórn Stéttarfélags lögfræðinga
Stjórn félagsins ber ábyrgð á rekstri félagsins, skrifstofuaðild og fjársýslu. Stjórnin fer með umboð félagsins til kjarasamninga.
Stjórn félagsins skal skipuð fimm fullgildum félagsmönnum og tveimur varamönnum, löglega kjörnum í kosningu sem fer fram á aðalfundi. Stjórnarmenn eru kosnir til tveggja ára í senn og varamenn til eins árs.
![](https://images.prismic.io/sl-www/0772c5f1-c13a-44fb-9e25-0cfdad1beac2_DSC04313-resized-for-web.jpg?auto=compress%2Cformat&crop=focalpoint&fit=crop&fp-x=0.50&fp-y=0.39&w=600&h=756)
Lög og samþykktir félagsins
Í lögum félagsins er meðal annars kveðið á um hlutverk Stéttarfélags lögfræðinga, reglur varðandi félagsaðild og ábyrgð stjórnar auk lýsinga á starfsemi félagsins.
Auk laganna má benda á samþykktir félagsins, m.a.
![](https://images.prismic.io/sl-www/71da5e95-55f9-4024-b616-b62825ede828_frett-folk-stor-fundur.jpg?auto=compress%2Cformat&crop=focalpoint&fit=crop&fp-x=0.49&fp-y=0.50&w=780&h=702)
Aðalfundir Stéttarfélags lögfræðinga
Aðalfundur Stéttarfélags lögfræðinga hefur æðsta vald í öllum málum félagsins og skal haldinn í lok mars ár hvert. Stjórn getur ákveðið að skipuleggja staðarfund, rafrænan fund, eða blöndu af þessu tvennu. Boðun á aðalfund skal send með rafrænum hætti til félagsmanna með a.m.k. viku fyrirvara.
Hönnunarstaðall Stéttarfélags lögfræðinga
Allt efni sem félagið sendir frá sér skal vera samkvæmt hönnunarstaðli.
Í hönnunarstaðli er að sjá reglur og útfærslur á notkun merkis, leturgerðir og reglur um litaval í kynningarefni og merkingum. Þar eru merki og aðrir grafískir þættir á vektoraformi sem hægt er að sækja ef skjalið er opnað í myndvinnsluforriti.